№1

Yangi kitob

14 may 2026 · 21:00Yoshlar ijod saroyi ↗

Tadbir suratlari

📚 “Yangi kitob” — kitoblarning shou-taqdimotiga marhamat!

Bu oddiy kecha emas, bu har bir kitobning teatrlashtirilgan taqdimoti, kitoblar premyerasi, muallifning shaxsan o’zidan dastxat olish hamda tarjimonlar nutqini eshitish imkoni.

Tadbir haqida

📚 Endi kitoblar trend boʻladi!

14-may kuni Toshkent shahrida “Yangi kitob” loyihasining ilk taqdimoti boʻlib oʻtdi!

Unda yangi nashr qilingan 6 ta kitobning shou taqdimotlari boʻlib oʻtdi. Kitoblar mutlaqo yangicha uslubda taqdim etildi: teatrlashtirilgan sahnalar, sun’iy idrok yordamida tayyorlangan videolar, yozuvchi, tarjimon va noshirlarning jonli chiqishlari va imzolash marosimlari hayrat va hayajon bilan kutib olindi. Taqdimot faqat namoyish emas, amaliy qadamlari bilan ham yodda qoldi: korxona va tashkilotlar rahbarlari, investorlar taqdim etilgan kitoblardan minglab nusxalarda tadbirning oʻzidayoq sotib olishdi!

Navbatda turib kitob sotib olayotgan xaridorlar, muallifning oʻzidan dastxat olayotgan yuzlab kitobxonlar oʻzbek jamiyati uchun ham reallikka aylandi.

Taqdim etilgan kitoblar

Galaktikada bir kun

SA'DULLO QURONOV

Ahmad (12 yoshli yerlik daho ixtirochi bola), Margol (Salmir sayyorasidan kelgan o‘zga sayyoralik), Moki (qadimiy marslik robot-droid), General Obma (yovuz qaroqchi). Asar voqealari 2036-yilda Yer sayyorasida boshlanadi. 12 yoshli ixtirochi bola Ahmad tortishish kuchi (gravitatsiya to‘lqinlari) yordamida o‘ta katta tezlikda harakatlanuvchi “Ko‘kkezar” nomli fazo kemasini loyihalashtiradi. Ammo yosh ixtirochilar tanlovida uning chizmalariga hech kim ishonmaydi. Faqatgina tanlovda ishtirok etgan g‘alati, pakana bir kishi uni izlab uyiga keladi. U Sirius yulduzi tizimidagi Salmir sayyorasidan kelgan Margol ismli o‘zga sayyoralik bo‘lib chiqadi.